بسم الله
======
الحمد لله وكفي وصلاه وسلام عـ عباده الذين أصطفي ثم أما بعد..
من قليل
كنت ببص عـ كتاب من أيام ما كنت فـ الكليه
بقرأ فيه
استعدت شويه من معلومات زمان
وكمان رجعت لذكريات مهمه
أيام الامتحانات
كنا طبعا يوم الامتحان ده ما بنام الا ساعه او اتنين بالكتير
الامتحان كان الساعه9
الساعه 6 كنت ببقي قاعده عـ السرير وحواليا الورق
وبعمل ورق جديد !!!!!
نعم!!
ايوه ياجماعه والله كنت بعمل ورق جديد عريض
بجمع فيه المنهج
لأن سبحان الله
النباهه والذكاء والفهلوه بيجوا فـ الساعات القليله اللي قبل الامتحان
طيب
المشكله دلوقتي أن الامتحان ده وقته معروف
يوم كذا الساعه كذا
وبنطلع نمتحن ونخلص
لكن !!
فـ امتحان تاني أصعب مافكرنا اننا نعمله ورقه
ولانذاكر له
امتحان الابتلاء
وماقصد بالابتلاء
المرض
الموت
المصائب
لأ
الذنووووووووووووووووووب
الذنوب أكبر امتحان
الفتن هي أكبر امتحان ممكن يتعرض عـ القلب
ليثبت ليضعف
لينجح ليسقط
ليعيش ليموت فـ الشهوه
أنا عارفه ان الثبات مش سهل
والتوبه كمان مش سهله
انك تسيب حاجه بتحبها حرام مش سهله
لكن احنا مش هنتغير الا بحاجتين
المراقبه
الحب
أنك تراقب الله فـ كل افعالك
وانه شايفك
وانك متجعلش الله أهون الناظرين اليك
وأنك تحب الله
واللي بيحب حد عمره ما بيعصيه ولا بيزعله
ولله المثل الأعلي
بهديلكم جميعا الفيديو ده
بشري جميله
لكل تائب رجع للذنب اللي تاب منه
وازاي نثبت عـ التوبه
والله المستعان
http://www.youtube.com/watch?v=WTQymr1tcpw&feature=related
لاتنسونا بدعوه بظهر الغيب
وجزاكم الرحمن خيرا
لاتنسوا القيام فهو شرف المؤمن
لا احد يدعي الصلاح
وهو ليس من قوام الليل
ليست هناك تعليقات:
إرسال تعليق